Biznesmenlə ailə quran Aygünə qadağa - Müsahibə

Mayın 23-də nikah masasına əyləşməyə hazırlaşan xalq artisti Aygün Bayramova Teleqraf.com-un suallarını cavablandırıb.

- Aygün xanım, məlumata görə, gələcək həyat yoldaşınız telekanalda çalışır. Bu xəbər düzdürmü?

- Xeyr, telekanalda işləmir. İş adamıdır.

- Ailə qurmaq xəbərini gizli saxladınız. “Hə” mərasiminiz nə zaman baş tutub?

- Hər şey tez bir zamanda baş verdi.

- Eşitdiyimizə görə, “kapriz”li xanımsınız. Sizi evlənməyə necə razı sala bildilər?

- Bu, Allahın qismətidir. Xanım “kapriz”li olmalıdır. Özünü müdafiə üçün belə lazımdır.

- Gələcək həyat yoldaşınızın hansı özəlliyi sizi cəlb etdi?

- İlk öncə yaxşı insan olması, savadlı və sənətimə olduqca böyük dəyər verməsi diqqətimi çəkdi.

- Toyunuz mediaya qapalı olacaq?

- Bəli, toyum mediaya bağlı olacaq. Bu, tək mənim yox, hər ikimizin istəyidir.

Rəqsanə