Mədinə Məlik "Ölümqabağı"nda: "Son dəfə onları..."

Allahdan günahlarımın silinməsini istəyərdim.

Teleqraf.com-un “Ölümqabağı” layihəsinin bugünkü qonağı “Kristal” qrupunun rəhbəri Mədinə Məlikdir.

Yaxında öləcəyinizi bilsəydiniz, son dəfə:

- …nə düşünərdiniz?

- İstəyərdim ki, yarımçıq qalan planlarımı tez-bazar həll edib yoluna qoyum. Təbii ki, məndən sonra ailəmə xeyri dəyəcək işlərimi... Bir də Allahdan günahlarımın silinməsini istəyərdim.

- ...hansı yeməyi yeyib hansı içkini içərdiniz?

- Heç vaxt spirtli içki içmədiyim üçün doğramac içərdim... Kababla...

- …Son dəfə rəhbəri olduğunuz “Kristal” qrupunun qızlarına nə deyərdiniz?

- Yenə də deyərdim ki, ağıllı olun, ağıllı olun və ağıllı olun.

- …hansı ölkəyə getmək istərdiniz?

- Seçim qarşısında qalsaydım, ya Fransaya, ya İtaliyaya gedərdim.

- …son kəs kimi öpərdiniz?

- Anamla, balamı...

- …kimi özünüzlə aparmaq istəyərdiniz?

- Heç kimi... Hərənin o dünyaya öz yolu və öz vaxtı var. Hamı gedəcək.

- …kimə nə etiraf edərdiniz?

- Komplekssiz adam olduğum üçün hamıya hər şeyi üzünə deyirəm. Heç kəsə etiraf edəcək bir sözüm yoxdur.

- …kimə və nə hədiyyə alardınız?

- Oğluma ən çox istədiyi hədiyyəni alardım.

- …pullarınızı kimə verib gedərdiniz?

- Anama...

- Son geyiminiz nə rəngdə olardı?

- Bilsəm ki, ölürəm, yay da olsa, qış da olsa ağ geyinərəm.

- Son 3 kəlməniz nə olardı?

- Allah... Allah... Allah...