Türkiyənin tanınmış aktyoru vəfat etdi

Tanınmış türkiyəli sənətçi, Yeşilcamın tanınmış aktyorlarından biri Yılmaz Köksal vəfat edib.

"Report" xəbər verir ki, 76 yaşlı aktyor xərçəng xəstəliyindən dünyasını dəyişib.

Yılmaz Köksal 1939-cu il iyulun 15-də Kırşəhərdə dünyaya gəlib. Orxan Kamalın "Mürtəza" əsəri əsasında çəkilən filmdə rol alan Y.Köksalın kino yaradıcılığı 1965-ci illərdən başlayıb.

1965-dən 2005-ci ilədək 182 filmdə rol alan aktyor, ömrünün son günlərinədək kinodan ayrılmayıb.