“Avropa Oyunları gənc rəssamların gözü ilə”

Azərbaycan Respublikasının Prezidenti yanında Gənclər Fondunun maliyyə və Azərbaycan Tələbə Gənclər Təşkilatları İttifaqının təşkilati dəstəyi ilə “İlk Avropa Oyunları gənc rəssamların gözü ilə” layihəsinə start verilib.

Teleqraf.com xəbər verir ki, layihə çərçivəsində Avropa Oyunlarına həsr olunmuş rəsm işlərindən ibarət sərgi və müsabiqə keçiriləcək, ən yaxşı işlərin müəllifləri diplom və dəyərli hədiyyələrlə təltif olunacaqlar.

İttifaq gənc rəssamları ilk Avropa Oyunlarını və Bakının gözəlliyini öz rəsm əsərlərində əks etdirərək bu mötəbər yarışa dəstək olduqlarını nümayiş etdirməyə çağırır. Bunun üçün rəssamlar işlərini ATGTİ-nin qərargahına 10 may tarixinədək təqdim etməlidirlər.

Pərvin