İraq rəhbərindən tələb: ABŞ bizə təzminat ödəməlidir

"İraq ordusunun Mosuldakı uğurlu əməliyyatı davam edir. Yaxın vaxtlarda şəhər İŞİD terrorçularından tamamilə təmizlənəcək".

Teleqraf.com xarici mediaya istinadən xəbər verir ki, bunu İraqın baş naziri Heydər əl-İbadi deyib.

İbadi yanvarın 20-də vəzifələrinin icrasına başlayacaq ABŞ-ın seçilmiş prezidenti Donald Trampa səslənib: "İŞİD ABŞ da daxil olmaqla, bütün dünyaya təhlükədir. ABŞ-la əməkdaşlığa ehtiyacımız var.
2003-cü ildə ABŞ ordusunun İraqa daxil olmasından sonra çox sayda iraqlı həyatını itirib. Düşünürəm ki, Vaşinqton bizə təzminat ödəməlidir. Buradan bütün İslam ölkələrinə səslənirəm: İŞİD ilə mübarizədə güclərimizi birləşdirməliyik. Bizə kömək edin!"

Qeyd edək ki, İraq parlamenti 2011-ci ildə 1990-1991-ci illərdəki Körfəz müharibəsindən zərər görən amerikalılar üçün 400 milyon dollar təzminat ödəmək qərarı vermişdi.

Samir