Türkiyə kəşfiyyatı xəbər aldı: F-16-lar qaldırıldı

Türk Silahlı Qüvvələrinə aid F-16 qırıcı təyyarələr İraqın Zap bölgəsində PKK-nın silah anbarlarını və iki mağarasını məhv edib.

Teleqraf.com Türkiyə mediasına istinadən xəbər verir ki, səhər saatlarında Hakkarinin Çukurca bölgəsində hava dəstəyi ilə keçirilən əməliyyat zamanı bir qrup terrorçunun əsas qərargahlarında hücuma hazırlaşdığı müəyyən edilib.

Bundan dərhal sonra Türk Silahlı Qüvvələrinin qırıcıları Çuxur göl və İraqın şimalındakı Zap bölgəsinə hava hücumu təşkil edib.

Türk Silahlı Qüvvələrinin açıqladığı məlumata görə, Zap bölgəsində PKK terrorçularına aid 4 silah anbarı və daldalanmaq məqsədilə istifadə edilən iki mağara məhv edilib.

Cavad