Avropadan Rusiyaya daha bir zərbə

Avropa aviaşirkətləri Asiyaya getmək üçün Rusiya üzərindən uçuşları qadağan edə bilər

Bu qadağanı Avropa Birliyi Rusiyaya qarşı hazırladığı yeni sanksiyalar paketinə daxil etməyi planlaşdırır.

“Dobrolet” şirkətinin fəaliyyətinin dayandırılması və Krım səmasında uçuşlar həyata keçirən Ukrayna aviaşirkətləri cərimələndikdən sonra sözügedən məsələ AB-də gündəmə gəlib.

Hazırda Rusiya üzərində uçuşların qadağan edilməsi məsələsi AB ölkələri Xarici İşlər və Nəqliyyat Nazirliyi səviyyəsində müzakirə edilir.

Qeyd edək ki, Ukrayna münaqişəsi başlayandan ABŞ və Qərb ölkələri Rusiyaya qarşı iqtisadi-saisyai sanksiyalar tətbiq edir. Rusiya xarici işlər naziri Sergey Lavrov isə bəyan edib ki, rəsmi Moskvaya qarşı tətbiq edilən sanksiyaların hər birinə cavab veriləcək.

/anspress/