Putindən qələbə açıqlaması – “Mən komandanın bir üzvüyəm”

“Mən sizin komandanızın bir üzvüyəm. Siz son illər görülən işlərin nəticəsinə səs verdiniz. Hər birinizə təşəkkür edirəm. Etimadınızı doğrultmaq üçün daha məsuliyyətli olacam”.

Teleqraf.com xəbər verir ki, bunu Rusiyada keçirilən prezident seçkilərində qalib gələn Vladimir Putin Manej meydanında keçirilən konsertdı çıxışı zamanı bildirib.

"Nəticəyə görə sizə təşəkkürümü bildirirəm. Siz - bizim ümumi komandamızsız. Mən bu komandanın üzvüyəm. Bu gün səs verənlər bizim böyük çoxmillətli komandamızdır", - deyə V. Putin bildirib.

Jurnalistin "2030-cu ildə keçiriləcək prezident seçkilərində də iştirak edəcəksiniz" sualına Putin "bu gülməlidir. Hesablayaq. 100 yaşına qədər burada oturacam? Xeyr!", deyə cavab verib.

Qeyd edək ki, Rusiya Mərkəzi Seçki Komissiyası ölkədə keçirilən prezident seçkilərinin ilkin nəticələrini açıqlayıb. Bülletenlərin 51 faizi hesablanıb. Nəticəyə görə, Vladimir Putin 70 fazidən çox səs toplayıb.