Ərdoğandan Putinə təklif: “O silahı birgə hazırlayaq...”

Türkiyə Prezidenti Rəcəb Tayyib Ərdoğan rusiyalı həmkarı Vladimir Putinə müasir silahların birgə istehsalını təklif edib.

Teleqraf.com xəbər verir ki, bu barədə türk mediası məlumat yayıb.

Söhbət S-500 hava hücumundan müdafiə kompleksindən gedir.

Ərdoğan S-400 ilə bağlı razılaşmanın yerinə yetiriləcəyini bəyan edib: “Rusiya bizə S-400-lər üçün çox uyğun şərtlərlə kredit imkanı yaratdı. İkinci və üçüncü mərhələdə birgə istehsala başlayacağıq”.

Ərdoğan ABŞ və NATO-nun tənqidlərinə də münasibət bildirib: “Niyə onlar Yunanıstanın S-300 kompleksi ilə bağlı susurlar? Türkiyəyə qarşı bu cür siyasəti anlamaq mümkün deyil. Bizim müdafiə sənayemizin öz ehtiyacları var və biz onu təmin etməliyik”.