“Mən Putinlə razılaşmışam...” – Netanyahu hər şeyi danışdı

İsrailin baş naziri Benyamin Netanyahu Rusiya ilə yaşanan diplomatik münaqişədən danışıb.

Teleqraf.com xəbər verir ki, o, Nyu Yorkda qaldığı oteldə uçuş öncəsi bu məsələyə toxunub:

“Rus təyyarəsinin vurulması bizim üçün daha ağır nəticələr verə bilərdi. Buna baxmayaraq İsrail Suriyada Əsəd və İrana qarşı mübarizəyə davam edəcək”.

Baş nazir Rusiyanın Suriyaya yeni S-300 raket kompleksi göndərməsi məsələsinə də münasibət bildirib:

“Bu, çox ciddi məsələdir. İsrailin təhlükəsizliyi üçün təhlükədir. Rusiya ilə “İl-20” məsələsi ilə bağlı gizli kanallarla danışıqlara davam edirik.

Biz əvvəlki kimi İranın Suriyada güclənməsinə qarşı mübarizə aparacağıq. Bu məsələdə isə Rusiya Hərbi Qüvvələri və İsrail Müdafiə Nazirliyi bir-birlərini məlumatlandırmağa davam edəcək. Mən Putinlə razılaşmışam. Diplomatik heyət bu yaxınlarda yenə görüşəcək”.