Trampla Putinin görüşünün vaxtı bilindi – Son dəqiqə

Rusiya Prezidenti Vladimir Putinlə ABŞ Prezidenti Donald Tramp arasında planlaşdırılan görüşün vaxtı bəlli olub.

Teleqraf.com xəbər verir ki, “Röyters” agentliyi iki ölkə liderinin dekabrın 1-də G20 çərçivəsində Argentinada bir araya gələcəyi barədə məlumat yayıb.

Xəbərə görə, Putinlə Tramp arasında görüş Bakı vaxtı ilə saat 18:30-da keçiriləcək.

Qeyd edək ki, daha əvvəl Ağ Evin mətbuat katibi Sara Sanders sammit zamanı Trampın bir neçə liderlə, o cümlədən Rusiya prezidenti ilə görüşünün nəzərdə tutulduğunu açıqlamışdı.