Özbəkistanda beynəlxalq ədəbi tədbir – Azərbaycanın iştirakı ilə

Özbəkistanda dünyanın bir çox ölkələrindən olan şair, yazıçı və rəssamların bir araya gəldiyi əməkdaşlıq tədbirləri keçirilib.

Teleqraf.com xəbər verir ki, Özbəkistanın tanınmış şairi Azam Obidovun təşəbbüsü ilə gerçəkləşən layihəyə ABŞ, Bolqarıstan, Türkiyə, Hindistan və Azərbaycandan olan sənət adamları qatılıb.

Layihədə ölkəmizi Azərbaycan Yazıçılar Birliyinin üzvü, şair Elşən Əzim təmsil edib.

Elşən Əzim bildirib ki, iştirakçılar tədbir çərçivəsində Özbəkistanın Namanqan, Səmərqənd, Xiva və Daşkənd vilayətlərinə səfər edərək yerli sənət adamlarının evlərində, təhsil müəssisələrində, mədəniyyət ocaqlarında, qəzet redaksiyalarında qonaq olublar, tarixi abidələri ziyarət ediblər.