Həştərxanda BBC-nin jurnalistləri döyülüb

Ukrayna ilə sərhəddə rusiyalı hərbçilərin həlak olması ilə bağlı xəbərlər barədə material hazırlamaq üçün Həştərxana gələn BBC Moskva bürosunun çəkiliş qrupu naməlum şəxslər tərəfindən hücuma məruz qalıb.

Teleqraf.com-un BBC-yə istinadən verdiyi xəbərə görə, 3 nəfərdən az olmayan qrup kafedən çıxıb maşına yaxınlaşan jurnalistlərə hücum edib.

Hücumçular operatoru döyüb və jurnalistlərin əlindəki kameranı aldıqdan sonra hadisə yerini tərk ediblər.

Hazırda BBC jurnalistləri Moskvadadırlar.

4 saat ərzində polis bölməsində ifadə verərkən kimsə jurnalistlərin avtomobilinə daxil olaraq yaddaşdakı videoyazıları silib.

Samir