İsrail və Rusiya arasında şok anlaşma – İranın mövqeləri bombalandı

İsrail qırıcılarının iyunun 23-də gecə saatlarında Suriyaya hava zərbələri nəticəsində 5 iranlı hərbçi həlak olub.

Teleqraf.com xəbər verir ki, bu barədə Suriya İnsan Haqları Monitorinq Qrupunun rəhbəri Rami Əbdülrəhman jurnalistlərə açıqlamasında məlumat verib.

O qeyd edib ki, İsrail Silahlı Qüvvələrinə məxsus 4 qırıcı Deyr əz-Zor və Əs-Suveyda bölgələrini bombardman edib: “İranın hərbi qüvvələrinə məxsus bir binaya hava zərbələri endirilib. İkinci hücumda isə İranın Suriyanın Əs-Suveyda bölgəsinə göndərdiyi silah-sursat karvanı hədəfə alınaraq məhv edilib. Hər iki hücum nəticəsində 5 İran hərbçisi həlak olub».

Rami Əbdülrəhman iddia edib ki, İsrail qırıcılarının Suriyada İranın mövqelərinə qarşı hücumları ruslarla tam koordinasiya edilib. Onun dediyinə görə, ruslarla amerikalılar Suriyada İranın hərbi varlığına son qoymaq üçün İsraillə razılığa gəlib.