“Post-sovet məkanı uğrunda mübarizə aparırıq” – Lavrovdan sensasiya

“Belarus rəhbərliyi ölkədəki seçkilərin ideal olmadığını etiraf edir, bunun bir çox sübutu var”.

Teleqraf.com xəbər verir ki, bu sözləri Rusiya Xarici işlər naziri Sergey Lavrov “Rusiya-1” telekanalına müsahibəsində deyib.

“Yuxarıdakılar seçkilərin mükəmməl olduğu anlamına gəlmir. Əlbəttə, xeyr. Buna sübutlar çoxdur. Belarus rəhbərliyi öz hüquqlarının pozulduğunu düşünən və etiraz edən vətəndaşlarla dialoqa girməyə çalışır”, - Lavrov bildirib.

O əlavə edib ki, Moskva xarici oyunçuların öz qaydalarını tətbiq etmək üçün respublikanın daxili çətinliklərindən istifadə etmək cəhdlərindən narahatdır.

Onun sözlərinə görə, Belarusda baş verənlər Rusiyanı çox narahat edir: “Yalnız müdaxilə etmək deyil, həm də belaruslara əmr vermək üçün daxili gərginliyi özləri üçün sərfəli hesab edirlər”.

Lavrov bir sıra Avropa İttifaqı ölkələrinin Belarusdakı vəziyyətlə bağlı açıqlamalarına da diqqət çəkib:

“İndi Avropa paytaxtlarından, ilk növbədə Baltikyanı ölkələrdən, eyni zamanda Polşadan, Avropa Parlamentindən eşitdiklərimiz Aleksandr Lukaşenko, insan hüquqları və demokratiya haqqında deyil. Hamısı geosiyasətdir. Qərb tərəfdaşlarımızın qitəmizdə və dünyanın digər yerlərində gündəlik həyatda tətbiq etmək istədiyi bir çox qaydaları var.

Heç kim post-sovet məkanı uğrunda mübarizədən danışdığımızı gizlətmir. Bu mübarizəni Sovet İttifaqının dağılmasının ardından vəziyyətin inkişafına uyğun olaraq necə aparıldığını gördük. Son nümunə, əlbəttə, Ukraynadır”.