Ərdoğan müjdəni verdi – Türk ordusu üçün önəmli qərar

Türkiyədə istehsal olunan və sınaqlardan uğurla çıxan yerli “HİSAR A” raketləri Silahlı Qüvvələrin inventarına daxil ediləcək.

Teleqraf.com xəbər verir, bu barədə Türkiyə Prezidenti Rəcəb Tayyib Ərdoğan açıqlama verib.

“Milli və yerli “HİSAR A” Silahlı Qüvvələrin inventarına daxil edilməzdən əvvəl qəbul testi aparılıb. Son sınaq bir neçə ay gecikmişdi. Xaricdən aldığımız hissələrə embarqo qoyuldu. Yerli hissəni qısa müddətdə istehsal edə bildik, raketlə birləşdirdik və qısa müddətdə nəticə əldə etdik. “HİSAR A" raketimizin kütləvi istehsalı uğurlu olsun”, - Ərdoğan bildirib.