“İngiltərə Türkiyə ilə müttəfiq olmağa hazırdır” - Kritik açıqlama

İngiltərə Müdafiə və Təhlükəsizlik Forumunun rəhbəri Olqa Meytland Türkiyənin milli təhlükəsizlik sahəsində atdığı addımları vurğulayaraq, ölkəsinin Türkiyə ilə məlumat bölüşməyə hazır olduğunu və türk dövlətinin müttəfiq kimi qəbul edilməsinin lazım olduğunu bildirib.

Teleqraf.com xəbər verir ki, Olqa Meytland “Anadolu”ya müsahibəsində Türkiyənin kibertəhlükəsizlik sahəsində mühüm aktor olduğunu deyib.

Dünyada milli təhlükəsizlik və müdafiə sahələrinə yanaşmada böyük dəyişiklik olduğunu vurğulayan Meytland aparıcı ölkələrin bu müdafiə və kibertəhlükəsizliyə çox ciddi büdcələr ayırdığını xatırladıb.

Böyük Britaniyanın əsgər sayını 83 minə, daha sonra isə 72 minə endirdiyini qeyd edən Meytlandbu bu yöndə qənaət edilən büdcənin kibertəhlükəsizlik sahəsində qiymətləndirildiyini deyib.

O, Türkiyənin də bu mənada önəmli ölkə olduğunu bildirib:

“Türkiyə çox önəmlidir, Prezident Ərdoğanın Kiber Təhlükəsizlik Mərkəzi qurmasını olduqca vacib hesab edirik. Əlbəttə ingilislər Türkiyə ilə məlumat bölüşməyə hazırdırlar, şübhəsiz ki, Türkiyəni kibertəhlükəsizlik sahəsində müttəfiq hesab etməliyik”.

Meytland Türkiyə ilə İngiltərə arasında uzun müddətdir davam edən əməkdaşlıq olduğunu xatırladıb.

“Bizim üçün çoxlu təhdidlər var. Türkiyə də tək deyil. O, tək qalmamalıdır”, - forum rəhbəri vurğulayıb. O qeyd edib ki, Böyük Britaniya Avropa İttifaqından çıxdığı üçün çevikliyə malikdir və bu, Türkiyə ilə əməkdaşlığı genişləndirmək üşün yeni imkanlar yaradır.