Kiyevdə rus ordusuna ağır zərbə - Kolon məhv edildi

Ukrayna hərbi qüvvələri Kiyevdə metronun Beresteyska stansiyası yaxınlığında Rusiya hərbi texnikasının karvanını məhv edib.

Teleqraf.com xəbər verir ki, bu barədə Ukrayna Silahlı Qüvvələrinin Baş Qərargahı məlumat yayıb.

“Kiyev küçələrində aktiv döyüşlər gedir. Düşmən layiqli cavab alır və itkilər verir. Xüsusilə, Beresteyska metrostansiyası yaxınlığında texnika karvan məhv edilib: 2 minik avtomobili, 2 yük maşını sursat və bir tank”, - məlumatda bildirilib.

Baş Qərargah həmçinin qeyd edib ki, işğalçıların ələ keçirməyə çalışdığı Kiyev vilayətinin Vasilkov şəhərində şiddətli döyüşlər davam edir.