Rusiya ordusunun inanılmaz itkiləri – Ukrayna Baş Qərargahı açıqladı

Fevralın 24-də başlayan işğalın əvvəlindən düşmən 14 təyyarə itirib, Ukrayna hərbçiləri onların BUK sistemini məhv edib.

Teleqraf.com xəbər verir ki, bu barədə Ukrayna Silahlı Qüvvələrinin Baş Qərargahı məlumat yayıb.

“Düşmənin təxmini itkiləri bunlardır: təyyarələr - 14 ədəd, helikopterlər - 8 ədəd, tanklar - 102 ədəd, BBM - 536 ədəd, top - 15 ədəd, BUK-1 ədəd”, - məlumatda deyilib.

Açıqlamada qeyd edilib ki, Slobojanski istiqamətində Ukrayna Silahlı Qüvvələrinin əməliyyat qrupu düşmənin hücumunu dayandırıb və Xarkov vilayətində müdafiə döyüşlərini davam etdirir.

Oxtırkada da şəhər döyüşləri gedir.

Koblevoda sahil istiqamətində 28 nəfərdən ibarət mexanikləşdirilmiş bölmələrin atəşi nəticəsində rusların bir qayığı və 20 nəfərədək şəxsi heyəti məhv edilib.

Ukrayna Hərbi Hava Qüvvələri işğalçıların hava zərbələrini dəf edir, Rusiya qoşunlarının desant dəstəsi olan İL-76MD hərbi-nəqliyyat təyyarəsi zərərsizləşdirilib.