"Putinin qızı"ndan etiraz yaradan sözlər – “Sən də siçan kimi...”

Rusiya Prezidenti Vladimir Putinin qızı olduğu iddia edilən Luiza Krivonoqix paylaşımına verilən reaksiyalardan sonra İnstaqram hesabını silib.

Teleqraf.com xəbər verir ki, Luiza paylaşımında müharibədən qaçıb bunkerlərdə gizlənənləri “siçan” adlandırıb.

Rusiya lideri ilə münasibətdə olduğu iddia edilən 46 yaşlı Svetlana Krivonoqixin qızı Luiza öz şəxsi hesabından belə yazıb: “Sən də bunkerdə yaşayırsan? Siçan kimi?”

Bundan sonra Luiza “Şeytanın qızı”, “Müharibə cinayətkarı” kimi reaksiyalarla üzləşib.

Bəziləri isə ondan xahiş ediblər ki, Ukraynada axan qanı dayandırması üçün Putinə desin.

Putin və Svetlana heç vaxt Luizanın atası ilə bağlı iddia edilən münasibətləri və ya şayiələri şərh etməyiblər. İnstaqramda 84 000 izləyicisi olan Luiza Krivonoqix keçən ay Putinin rus qoşunlarına Ukraynaya hücum əmri verdikdən sonra internetdə şiddətli reaksiya ilə üzləşib.