Rusiyada dəhşətli yanğın - İki nəfər öldü

Rusiyanın Vladivostok şəhərində yaşayış binasının zirzəmisində baş verən yanğın nəticəsində iki nəfər ölüb, daha iki nəfər xilas ola bilib.

Teleqraf.com xəbər verir ki, bu barədə regional FHN idarəsini mətbuat xidməti məlumat yayıb.

Qeyd olunur ki, martın 13-də saat 00:13-də Vladivostok şəhərinin Kaplunova küçəsindəki doqquzmərtəbəli yaşayış binasının zirzəmisində yanğın baş verməsi barədə yanğınsöndürmə xidmətinə müraciət daxil olub. Yanğınsöndürənlər opertaiv şəkildə hadisə yerinə gəliblər.

Yanğının söndürülməsi zamanı zirzəmidə iki qadının meyiti aşkar edilib, onların şəxsiyyəti müəyyənləşdirilir.

Hadisənin başvermə səbəbləri araşdırılır.