Ukrayna hava məkanı tam olaraq rusların nəzarətində deyil - ABŞ

Pentaqon bildirib ki, Rusiya Ukrayna ərazisinə 1080 raket buraxıb.

Teleqraf.com-un məlumatına görə, ABŞ rəsmisi deyib ki, ukraynalılar intensivləşdirilmiş raket zərbələrinə baxmayaraq, təyyarələrinin əksəriyyətini döyüş vəziyyətində saxlayıb.

Genişmiqyaslı işğalın başlanğıcından bəri Rusiya Ukraynaya 1080 raket atıb. Amerikalılar qeyd edirlər ki, işğalçılar bütün istiqamətlərdə dayanıb.

Amerika rəsmisi qeyd edib ki, ukraynalılar rusların aerodromlara intensiv raket zərbələri endirməsinə baxmayaraq, öz təyyarələrinin əksəriyyətini döyüş vəziyyətində saxlayırlar. Bundan əlavə, hava hücumundan müdafiə sistemləri Rusiya qırıcılarını və raketlərini vurmağa davam edir. Ona görə də Ukrayna üzərindəki hava məkanı tam olaraq rusların nəzarətində deyil.