Bayden Putinə "qəssab" dedi

ABŞ Prezidenti Co Bayden növbəti dəfə Rusiya lideri Vladimir Putin haqqında qeyri-diplomatik ifadə işlədib.

Teleqraf.com xəbər verir ki, bu barədə onun çıxışının video çarxını CNN yayımlayıb. Polşa və Ukrayna sərhəddində ukraynalı qaçqın düşərgəsini ziyarət edərkən jurnalistlərdən biri Baydendən qonşu ölkədə baş verən hadisələr kontekstində Putin haqqında nə düşündüyünü soruşub.

"O qəssabdır, mən belə düşünürəm", - deyə Bayden qısa cavab verib.

Qeyd edək ki, Bayden bundan öncə Putinə "qatil", "ölümcül diktator", "hərbi cinayətkar" və s. deyib.