“Mayın 9-da müharibəni dayandırın” - Stoltenberq

NATO-nun baş katibi Yens Stoltenberq Kiyevə əlavə yardım göstərməyə hazır olduğunu təkrarlayıb və Rusiyanı Ukraynada hərbi əməliyyatları dayandırmağa, qoşunları çıxarmağa və sülh danışıqlarına başlamağa çağırıb.

Teleqraf.com rus mediasına istinadən bildirir ki, o, bu barədə Almaniyanın “Die Welt” qəzetinə bildirib.

“Mən bir daha Rusiya prezidenti Vladimir Putini mayın 9-da müharibəni dərhal dayandırmağa, qoşunlarını Ukraynadan çıxarmağa və sülh danışıqlarına başlamağa çağırıram”, - deyə Stoltenberq bildirib.

Eyni zamanda, o, iddia edib ki, keçmişdə olduğu kimi Moskva müntəzəm olaraq mayın 9-dan Qərb haqqında yalanlar yaymaq və NATO-nu tənqid etmək üçün istifadə edir.