Ana səhifə / Dünya

Finlandiya NATO-ya üzv olmaq qərarını rəsmən elan etdi

15 May 2022 16:09
781
12 Punto 14 Punto 16 Punto 18 Punto

Finlandiya Şimali Atlantika Müqaviləsi Təşkilatına (NATO) qoşulmaq üçün müraciət edəcək.T

Teleqraf.com xəbər verir ki, bunu Finlandiya Prezidenti Sauli Niinistö bildirib.

"Bu gün Prezident və Xarici və Təhlükəsizlik Siyasəti Komitəsi Finlandiyanın NATO-ya üzv olmaq üçün müraciət edəcəyi barədə qərar qəbul edib” - deyə, o bildirib.

Onun sözlərinə görə, ölkə parlamentlə məsləhətləşmələrdən sonra üzvlük üçün müraciət edəcək.
Baş nazir Sanna Marin öz növbəsində bildirib ki, indi hökumət öz rəyini parlamentə təqdim edəcək. “Bizim qərarımız tarixidir. Ən əsası Finlandiyanın və vətəndaşlarımızın təhlükəsizliyidir. Bu qərar Skandinaviya ölkələrinin təhlükəsizliyini və əməkdaşlığını gücləndirir”, - Marin qeyd edib.

Mayın 16-da Finlandiyanın alyansa qoşulma qərarı respublikanın ali qanunverici orqanında müzakirə olunacaq və gözlənildiyi kimi təsdiqlənəcək.

Müəllif: Teleqraf.com
NATO Finlandiya