“Neçə ölkənin məhv olacağı bizi maraqlandırmır” – Rus deputat

“NATO ilə nüvə müharibəsi başlayacağı təqdirdə neçə ölkənin məhv olacağı Rusiyanı maraqlandırmır”.

Teleqraf.com xəbər verir ki, bunu Rusiya Dövlət Dumasının deputatı Aleksey Juravlyov İsveç və Finlandiyanın NATO-ya üzv olmasını şərh edərkən deyib.

“İsveçlilər və finlər sadə bir şeyi başa düşməlidirlər: NATO ilə müharibə aparsaq, onlarla da birbaşa qarşıdurmada olacağıq. NATO ilə müharibə pilotsuz təyyarələrlə yox, nüvə silahları ilə olacaq. Fərqi yoxdur, neçə ölkəni məhv etmək lazımdır - 28 və ya 32”, - rusiyalı siyasətçi bildirib.

Juravlyovun sözlərinə görə, İsveç və Finlandiya anlamalıdır ki, Rusiyada hər şey kifayət qədərdir.

“ABŞ-da əhalinin sayı 300 milyondur, nəzəri olaraq orada sağ qalanlar ola bilər. Amma 5 milyon və ya bir az çox olan finlərin heç bir şansı yoxdur”, - deputat qeyd edib.