"Əl-Qaidə"nin daha bir lideri öldürüldü

London və Nyu York qatarlarına bomba hücumu hazırlamaqda ittiham edilən “Əl-Qaidə” terror təşkilatının yüksək rütbəli döyüşçüsü öldürülüb.

Teleqraf.com BBC-ə istinadən xəbər verir ki, Ədnan Əl-Şükrcümə adlı terrorçunun Pakistanın şimal-qərbində, Əfqanıstan sərhədi yaxınlığındakı bölgədə həyata keçirilən əməliyyat vaxtı qətlə yetirildiyi bildirilir.

ABŞ Federal Təhqiqatlar Bürosu (FBR) Ədnan Əl-Şükrcüməni əl-Qaidə şəbəkəsinin qlobal əməliyyatlarına cavabdeh şəxs adlandırır.

Səudiyyə Ərəbistanında doğulan Şükrcümə bir neçə il ərzində ABŞ-da yaşayıb. O, bir neçə ölkədə basqın hazırlamaqda şübhəli bilinir.

Pakistan rəsmiləri əməliyyat vaxtı daha iki silahlının öldürüldüyünü bildirir.

Samir