Fransa bu dəfə də "ənənə"ni pozmadı - Türkiyəni ittiham etdi

Fransa xarici işlər naziri Katerina Kolonna Türkiyə ordusunun Suriya və İraqda keçirdiyi “Pəncə-Qılınc” əməliyyatı ilə bağlı açıqlama verib.

Teleqraf.com xəbər verir ki, hər fürsətdə Türkiyəyə qarşı düşmən münasibətini açıq formada sərgiləyən Fransanın baş diplomatı bu dəfə də “ənənə”sinə sadiq qalıb.

“Təəssüf ki, Türkiyənin başqa ölkəyə hücum etdiyini ilk dəfə görmürük. Hər dəfə narahatlığımızı dilə gətirir və sağlam düşüncə tələb edirik. Türkiyənin narahatlığını başa düşürük, amma məsələ bu şəkildə həll edilə bilməz”, - Kolonna bildirib.