Rusiya Ukraynaya havadan hücum etdi - Şəhərlər partladılır

Bu gecə Rusiya ordusu Ukraynaya hava zərbələri endirib.

Teleqraf.com xəbər verir ki, səhər saat 6 radələrində Azov dənizində rus aviasiyasının fəaliyyəti qeydə alınıb, havada "Su-30" qırıcısı görünüb.

Xarkov, Dnepropetrovsk, Donetsk və Zaporojye vilayətlərində hava xəbərdarlığı elan edilib. Monitorinq qrupları düşmənin beş "Tu-95" strateji bombardmançısının da havaya qalxdığını bildirib.

Hücum nəticəsində Xarkov, Dnepr və Zaporojyedə partlayışlar baş verib. Dnepropetrovsk vilayətində raketlərin vurulması məlumatı var. Xarkov və bölgə silsilə partlayışlarla silkələnib.

Regional Dövlət Administrasiyasının rəhbəri Oleq Sinequbov ictimaiyyəti xəbərdar edib: "Diqqət, Xarkov və bölgə sakinləri, işğalçılar yenidən zərbələr endirirlər! Sığınacaqlarda qalın!"