ABŞ Çinin "casus" balonunun vurulması haqda: "Axtarışlar başa çatdı"

ABŞ bu ayın əvvəlində vurduğu Çin "casus" şarının qalıqlarının, həmçinin Alyaska yaxınlığında və Huron gölündə vurulmuş daha iki obyektin axtarışını başa çatdırıb.

Teleqraf.com xəbər verir ki, bu barədə ABŞ-ın Şimal Komandanlığı qeyd edib.

“Axtarış əməliyyatları Cənubi Karolina sahillərində ABŞ-ın Şimal Komandanlığına bağlı ABŞ Hərbi Dəniz Qüvvələrinin ÇXR yüksək hündürlükdə müşahidə şarının qalıqlarını aşkar edib bərpa etdikdən sonra başa çatıb”, - Şimal Komandanlığının bəyanatında deyilib.

Bildirilib ki, təyyarə qalıqlarının son fraqmentləri əks-kəşfiyyat üçün istifadə edilmək üçün Virciniya ştatında Federal Təhqiqatlar Bürosunun laboratoriyasına təhvil verilib.