Rusiya “Strateji Hücum Silahları Müqaviləsi”ndən çıxdı

Rusiya Prezidenti Vladimir Putin “Strateji Hücum Silahlarının azaldılması Müqaviləsi”ndə (START-3) iştirakın dayandırılması barədə qanun layihəsini Dövlət Dumasına təqdim edib.

Teleqraf.com TASS-a istinadən xəbər verir ki, bu barədə Dövlət Dumasının spikeri Vyaçeslav Volodin bildirib.

Volodinin sözlərinə görə, Duma qanun layihəsinə fevralın 22-də baxacaq.

Müqavilə Rusiya və ABŞ arasında bağlanıb, o, hər iki ölkənin nüvə arsenallarının azaldılmasını nəzərdə tutur. Rusiyanın START-3-də iştirakını dayandırmaq qərarına gəlincə, Putin bir gün əvvəl Federal Məclisə müraciətlə çıxış edib.