Ukraynada gözlənilməz gəlişmə - İşğal etdikləri şəhərdən çıxdılar

“Vaqner” qrupunun lideri Yevgeni Priqojin muzdluların Ukraynanın Baxmut şəhərindən geri çəkildiyini açıqlayıb.

Teleqraf.com xəbər verir ki, Priqojinin mətbuat xidməti “Vaqner” bölmələrinin geri çəkildiyini əks etdirən video yayımlayıb.

“Arxa cəbhəyə çəkilirik. İyunun 1-nə kimi toplanacağıq, (missiya) hərbçilərə təhvil veriləcək”, - Priqojin deyib.

“Vaqnerçilər”lə söhbəti zamanı Priqojin qeyd edib ki, iyunun 1-dək bütün bölmələr istirahət üçün arxa cəbhədə olacaq, sonra “yeni missiya” olacaq:

“Birlikləri Baxmutdan çıxarırıq. İyunun 1-dək əsas hissə düşərgələrə köçürüləcək. Mövqeləri hərbçilərə veririk. Sursat, mövqelər, hər şey...”.

Mayın 20-də Yevgeni Priqojin açıqlamışdı ki, muzdluları Baxmutu “ələ keçiriblər” və mayın 25-də şəhəri tərk etməyə başlayacaqlar.