Paytaxtı İran PUA-ları ilə vurdular – 31-dən 29-u məhv edildi

Rusiya qoşunları gecə saatlarında İranın “Şahid” hücum pilotsuz təyyarələri ilə yenidən Ukraynaya hücum edib.

Teleqraf.com xəbər verir ki, bu barədə Ukrayna Hərbi Hava Qüvvələri məlumat yayıb.

Ukrayna aviasiyası Rusiyadan ölkə ərazisinə atılan 31 PUA-dan 29-nu məhv edib.

“Hərbi Hava Qüvvələri düşmənin 29 hücum PUA-sını məhv edib. Demək olar ki, bütün pilotsuz təyyarələr paytaxtdan kənarda və Kiyev səmasında vurulub”, - məlumatda deyilir.

Gecə saatlarında Ukraynanın bəzi vilayətlərində hava həyəcanı elan edilib. Kiyevin müxtəlif rayonlarında qurbanlar və dağıntılar var.