“Məni devirmək üçün ciddi hazırlıq gedir” – Lukaşenko

“Qərb Belarusda hakimiyyət dəyişikliyi üçün ciddi ssenari hazırlayır”.

Teleqraf.com xəbər verir ki, bunu Belarus Prezidenti Aleksandr Lukaşenko deyib.

“Belarusa gəlincə, qeyd edə bilərəm ki, Polşada, Litvada və Ukraynada qeyri-qanuni silahlı birləşmələr hazırlanır, birbaşa ölkədə ekstremist hücrələrin yaradılmasına cəhdlər edilir”, - Belarus lideri bildirib.

Onun sözlərinə görə, bütün bunlara son faktlar və hadisələr də sübutdur:

“Yəni ölkəmiz ciddi hakimiyyət dəyişikliyi ssenarisinə hazırlanır, bunu görürük, imkan verməyəcəyik”.