Baydenin oğlunun məhkəməsinin vaxtı açıqlandı

ABŞ Prezidenti Cozef Baydenin oğlu Hanter Bayden iyulun 26-da Delaver ştatında məhkəmə qarşısına çıxacaq.

Teleqraf.com xəbər verir ki, Hanter Bayden vergi pozuntusu ilə bağlı iki halda günahını etiraf edib.

Dərc edilmiş materiallardan məlum olur ki, Hanter Bayden iki halda qəsdən vergi ödəməməkdə ittiham olunur.

Üçüncü ittihama görə, prezident oğlu oktyabrın ortalarında qanunsuz narkotik vasitələrdən istifadə edib, eyni zamanda, üzərində “Kolt” markalı tapança daşıyıb ki, bu da qanun pozuntusudur. Bu hal ilə bağlı Hanter məhkəməöncəsi tədbirlərə razılıq verib.