Şotlandiya baş naziri gerçəkləri açıqladı: Ölkə Britaniyadan ayrılsa...

Şotlandiya Milli Partiyasının lideri və Şotlandiyanın ilk müsəlman Baş naziri Həmzə Yusif ölkəsinin Böyük Britaniyanın tərkibindən çıxacağı təqdirdə Avropa İttifaqı (Aİ) üzvlüyünə hazır olduğunu bildirib.

Teleqraf.com xəbər verir ki, bu sözləri Brüsselə səfəri zamanı Yusif "Politico"ya müsahibəsində deyib.

Siyasətçi qeyd edib ki, Şotlandiyanın Aİ-yə standart üzvlük proseduru ilə qayıtması nisbətən asan olacaq, çünki o, onilliklər ərzində assosiasiya norma və qaydalarına uyğun yaşayıb.

Baş nazirin sözlərinə görə, şotlandların əksəriyyətinin (62%) 2016-cı ildə "Brexit"in əleyhinə səs verməsinə baxmayaraq, Şotlandiya Aİ-dən çıxarılıb.