Cəbhədə uğurlu əməliyyat – Baş Qərargah müjdəni verdi

Ukrayna müdafiə qüvvələri cəbhə xəttinin bir neçə istiqamətində Rusiya qoşunlarının irəliləməsinin qarşısını alır.

Teleqraf.com xəbər verir ki, bu barədə Ukrayna Silahlı Qüvvələrinin Baş Qərargahı məlumat yayıb.

Son sutka ərzində cəbhədə tərəflər arasında 30-a yaxın toqquşma baş verib.

Rus ordusunun Baxmut istiqamətində Klişçivkada keçirdiyi hücum əməliyyatları nəticəsiz bitib. Rusların Avdiv istiqamətində irəliləmək cəhdləri də ukraynalı hərbçilər tərəfindən dayandırılıb. Eyni zamanda, Ukrayna qüvvələri Marin və Novomixaylivdə Rusiya qoşunlarının irəliləyişini dayandırmaqda davam edir.

Ukrayna ordusu isə Melitopol istiqamətində hücum əməliyyatı aparır.

Baş Qərargahın sözçüsü Andrey Kovalyov Ukrayna qüvvələrinin cənub cəbhəsində Robotində uğurlu hərbi əməliyyatı barədə məlumat verib.

“Robotində uğur qazanmışıq, ələ keçirilmiş mövqelərdə möhkəmlənirik”, - sözçüsü deyib.