Konqoda stadionda izdiham - 37 nəfər öldü

Konqo Demokratik Respublikasının paytaxtı Brazzavildə orduya çağırış tədbiri öncəsi stadionda yaranan izdiham nəticəsində 40-a yaxın adam ölüb, çoxlu sayda insan yaralanıb.

Teleqraf.com xəbər verir ki, bu barədə “Les Echos du Congo Brazzaville” portalı hökumətin bəyanatına istinadən məlumat yayıb.

“Faciə Ornano stadionunda noyabrın 20-dən 21-nə keçən gecə baş verib. Fövqəladə Hallar Xidmətlərinin ilkin məlumatlarına görə, 37 nəfər ölüb, çoxlu sayda insan yaralanıb”, - hökumətin kommünikesində deyilir.

Portalın məlumatına görə, stadionda orduya çağırış tədbirləri keçirilib. Yerlərin məhdudluğu səbəbindən namizədlər gecə saatlarında növbəyə düzülüb. Konqo DR-də orduya qəbul müqavilə əsasında həyata keçirilir və hərbi xidmət gənc konqolular arasında çox populyardır.