Fransada şəhər merinin evindən 70 kq marixuana tapıldı

Fransanın Avallon şəhərinin merinin evində 70 kiloqram marixuana aşkar edilib.

Teleqraf.com xəbər verir ki, bu barədə bazar günü BFMTV kanalı polisdəki mənbələrə istinadən məlumat yayıb.

“Bazar günü, aprelin 7-də Yonne departamentində Avallon şəhərinin sosialist meri Djamila Absaouinin evində ən azı 70 kiloqram marixuana aşkar edilib”, - telekanalın açıqlamasında deyilir.

Hüquq-mühafizə orqanları merin qardaşının qadağan olunmuş maddələrin satışı ilə məşğul olduğunu müəyyən ediblər.

Bu həftə Fransa hakimiyyəti Tuluza, Strasburq və Nantda, eləcə də daha altı şəhərdə genişmiqyaslı anti-narkotik əməliyyatlara başlayıb. 1,7 mindən çox insan saxlanılıb.