Ukraynadan Rusiyanın kütləvi hava hücumuna - Reaksiya

Rusiya silahlı qüvvələri Ukraynanın dörd regionundakı mühüm enerji infrastrukturu obyektlərinə aviazərbələr ediblər.

Teleqraf.com xəbər verir ki, bu barədə Ukrayna energetika naziri Qerman Qaluşenko sosial mediada yazıb.

"Düşmən yenidən enerji infrastrukturumuza hücum edir!" Onların Ukraynanın generasiya qurğularına və məlumat ötürmə sistemlərinə hücum edib”,- deyə nazir bildirib.

Onun sözlərinə görə, Xarkov, Zaporojye, Lvov, Kiyev vilayətləri enerji infrastrukturuna ziyan dəyib. Artıq energetiklər nəticələrin aradan qaldırılması üzərində işləyirlər.

Xatırladaq ki, aprelin 10-da axşam saatlarından başlayaraq Rusiya silahlı qüvvələri növbəti dəfə “Şahed” tipli pilotsuz təyyarələrlə Ukraynaya genişmiqyaslı hücuma keçiblər. Bu gün səhər saatlarında Ukraynaya raket zərbələri endirilib.

Xarkov şəhəri və vilayətində ən azı doqquz partlayış baş verib, elektrik enerjisində fasilələr qeydə alınıb.