Nigeriyada yük maşını minaya düşdü - Azı 10 nəfər öldü

Nigeriyada yük maşınının minaya düşməsi nəticəsində azı 10 nəfər ölüb, 23 nəfər isə yaralanıb.

Teleqraf.com xəbər verir ki, bu barədə AFP məlumat yayıb.

Hadisənin Nigeriyanın şimal-şərqində baş verdiyi bildirilir.

Zərərçəkənlər Çad gölünə gedən balıqçılar və fermerlər olub.

Hakimiyyət terror aktına görə ölkənin bu hissəsində fəaliyyət göstərən radikal qruplaşmaların döyüşçülərinin məsuliyyət daşıdığını bəyan edib.