Quru əməliyyatının anonsu verildi – Qonşu ölkəyə daxil olurlar

İsrail ordusu güclü şəkildə Livanda “Hizbullah” terror təşkilatına qarşı quru hücumuna hazır olmalıdır.

Teleqraf.com xəbər verir ki, bunu İsrail Müdafə Qüvvələrinin Şimal Komandanlığının rəisi general-mayor Ori Qordin deyib.

“Kampaniyanın daha bir mərhələsinə qədəm qoyduq. Əməliyyat “Hizbullah”ın imkanlarına çox ciddi zərbələrlə başlayıb”, - general vurğulayıb.

Qordin terror təşkilatının hərbi mövqeləri və infrastrukturuna öldürücü raket zərbələri endirildiyini bildirib.

“Təhlükəsizlik vəziyyətini dəyişməliyik. Güclü şəkildə Livana qurudan daxil olmaq üçün hazır olmalıyıq”, - İsrail generalı əlavə edib.