Nigeriyada benzin tankeri partladı - Ölənlərin sayı 140-a çatdı

Nigeriyanın cənubundakı Jiqava əyalətində benzin tankerinin partlaması nəticəsində azı 140 nəfər həlak olub, 50 nəfər yaralanıb.

Teleqraf.com bu barədə xarici KİV-ə istinadən xəbər verir.

Məlumata görə, hadisə zamanı çoxlu sayda insan qəza nəticəsində dağılan yanacağı toplamağa çalışarkən həyatını itirib.

Bildirilir ki, qəza 15 oktyabr tarixində Madjia şəhərində baş verib. Benzin tankerinin sürücüsü idarəetməni itirib, nəticədə avtomobil aşıb və yanacaq drenaj kanalına axıb. Yerli sakinlər pulsuz yanacaq əldə etmək məqsədilə dərhal hadisə yerinə toplaşıblar və bu an partlayış baş verib. Nəticədə azı 94 nəfər həlak olub və 50 nəfər yaralanıb.

"Hadisə yerinə toplaşan insanların çoxluğu kütləvi ölümün səbəbi olub. Polisin xəbərdarlıqlarına baxmayaraq, insanlar qəza yerlərində toplaşmağa davam edir, bu da narahatlıq doğurur", — hadisə yerində polis nümayəndəsi jurnalistlərə deyib.