Avropa İttifaqı BRİKS-in genişlənməsindən narahatdır

"Brüssel BRİKS dövlətlərarası assosiasiyasının sammitində geniş beynəlxalq iştirakdan, xüsusən də Avropa İttifaqına ( Aİ ) üzvlüyə namizəd olan ölkələrin olmasından narahatdır".

Teleqraf.com xarici mətbuata istinadən xəbər verir ki, bu barədə Avropa İttifaqının diplomatik xidmətinin nümayəndəsi Peter Stano deyib.

O vurğulayıb ki, Brüssel Avropa İttifaqına üzv olmağa namizəd dövlətlərin ittifaqın xarici siyasətinin prinsip və dəyərlərinə əməl edəcəklərini, həmçinin Rusiyaya qarşı sanksiyalara qoşulacaqlarını gözləyir.

Stano əlavə edib ki, Avropaya inteqrasiya etmək istəyən ölkələr Rusiya ilə hər hansı təmasdan çəkinməlidirlər.