İsrailin həyata keçirdiyi hava hücumlarında hədəfə alınan obyektlərdən biri Tehran yaxınlığındakı “İmam Xomeyni” beynəlxalq hava limanında yerləşdirilmiş S-300 hava hücumundan müdafiə sistemi olub.
Teleqraf.com xəbər verir ki, bu barədə “Nyu-York Tayms”a iki İran rəsmisi deyib.
Adı açıqlanmayan rəsmilərin sözlərinə görə, İran İslam İnqilabı Keşikçiləri Korpusunun (SEPAH) ən azı üç raket bazası hədəfə alınıb.
İsrail PUA-larının hədəfində Tehran yaxınlığındakı gizli Parçin hərbi bazası da olub. PUA-lardan biri bazaya çırpılıb.