Belarus Ukrayna ilə sərhədə əlavə qüvvələr yerləşdirdi

Belarus hərbçiləri Ukrayna ilə sərhəddəki vəziyyəti gecə-gündüz izləyir və kopterlərdən istifadə etməklə həyata keçirilən təxribatları dayandırmağa hazırdırlar.

Teleqraf.com xəbər verir ki, bunu Belarus Silahlı Qüvvələri Baş Qərargahının elektron müharibə idarəsinin rəisi, polkovnik Aleksandr Noqovitsın deyib.

“Dövlət sərhədimizin cənub istiqaməti boyunca bir qrup qoşunun tərkibində radiotezlik diapazonunun radiomonitorinqinin aparılması üçün 24/7 rejimində tapşırıqları yerinə yetirən elektron döyüş qüvvələri və vasitələri yerləşdirilir”, - deyə o bildirib.

“VoenTV” televiziya şirkətinə müsahibəsində o söyləyib ki, dövlət sərhədi boyunca dislokasiya olunmuş elektron döyüş bölmələri müxtəlif təxribatların qarşısının alınması üçün radioelektron obyektlərin radioelektron müdaxiləsini həyata keçirməyə hazırdır.

Bundan əvvəl Belarus Təhlükəsizlik Şurasının dövlət katibi Aleksandr Volfoviç bildirmişdi ki, bu il Belarus sərhədçiləri Ukrayna ilə sərhəddə 40-a yaxın təxribat qeydə alıblar.