Türkiyədən Gürcüstana qanunsuz keçən əcnəbilər saxlanıldı

Gürcüstanın dövlət sərhədini qanunsuz keçən iki nəfər xarici ölkə vətəndaşı saxlanılıb.

Teleqraf.com-un yerli bürosu xəbər verir ki, bu barədə ölkənin Daxili İşlər Nazirliyindən bildirilib.

İstintaqla müəyyən olunub ki, saxlanılan şəxslər “Kartsaxi” sərhəd-nəzarət məntəqəsindən yan keçməklə Türkiyə ərazisindən Gürcüstanın dövlət sərhədini qanunsuz keçiblər.

Əcnəbiləri beş ilədək müddətə azadlıqdan məhrum etmə cəzası gözləyir.
Faktla bağlı istintaq davam etdirilir.