Günahsız yerə 39 il həbsdə yatdı, 1 milyon dollar qazandı - FOTO

ABŞ-da günahsız yerə 39 il həbsdə qalan Rikki Ceksonun təzminat tələbi ilə qaldırdığı iddia təmin olunub.

Teleqraf.com-un xəbərinə görə, ABŞ Ədliyyə nazirliyinə qarşı qaldırılan iddia barədə Ohayo məhkəməsi ötən gün yekun qərarını verib.

Bu qərara əsasən, ABŞ dövləti 39 il günahsız yerə həbsdə qalan Rikki Ceksona 1 milyon dollar təzminat ödəyəcək.

Qərarı eşidən Ceksonun reaksiyası isə həm həyəcanlı, həm də sevincli olub. “Bu çox əla bir xəbərdir”, - deyə zərərçəkmiş sevincini gizlədə bilməyib.

59 yaşlı Riki Cekson 1975-ci ildə Harold Franksı öldürməkdə ittiham olunmuşdu. Həmin tarixdə Ceksonun 39 il günahsız yerə həbs olunması üçün 13 yaşlı uşağın şahidliyi kifayət eləmişdi.

İlhamə