Putin BMT-nin yubiley sessiyasında çıxış edəcək

Rusiya prezidenti Vladimir Putin bu ilin sentyabrında Nyu-Yorkda keçiriləcək BMT Baş Assambleyasının 70-ci sessiyasının açılışında çıxış edəcək.

Teleqraf.com xarici mediaya istinadən xəbər verir ki, bununla bağlı Putinin mətbuat katibi Dmitri Peskov məlumat verib. Onun sözlərinə görə, Putin bundan əvvəl də 2000, 2003 və 2005-ci illərdə sessiyanın açılışında çıxış edib.

Yayılan məlumatlara görə, yubiley iclasında Assambleya üzvləri BMT Təhlükəsizlik Şurasının daimi üzvlərinin, o cümlədən Rusiyanın veto hüququnu müzakirə edəcək.

Samir