İŞİD daha bir şəhəri tutdu

İŞİD terror qruplaşması Suriyanın qərbindəki strateji əhəmiyyətli Əl-Karyatayn şəhərini tutub.

Teleqraf.com xəbər verir ki, bu barədə Böyük Britaniyada fəaliyyət göstərən Suriya İnsan Haqları Təşkilatından (Syrian Observatory for Human Rights) bildirilib.

Hüquq müdafiəçiləri hesab edirlər ki, strateji əhəmiyyətli şəhər üzərindəki nəzarət İŞİD-ə nəzarət etdiyi əraziləri birləşdirməyə imkan verəcək və terror təşkilatının döyüş əməliyyatları asanlaşacaq. Məlumata görə, toqquşmaların gedişatında Suriya ordusunun 37 hərbi qulluqçusu, İŞİD isə 23 döyüşçüsü ölüb.